Kodak

Kodak

Tula tungkol sa Isyung Panlipunan ni

Alexandra Ranielle Gallego

Isang araw ako ay pinagbawalan

“Huwag na h’wag kang magpapagabi anak

ang ating krimen sa bansa ay talamak

Paglabas ng madilim huwag ibalak.”

Isang araw, ako’y umalis ng tahanan

Naglakbay, dala-dala ang aking kodak

Ano bang nangyayari sa kadiliman?

Pasensya na ina, ako ay nagbalak

Sa kalsada puno ng katatakutan

Pindot sa kodak, sa bawat tinatahak

Maraming tambay at puno ang lansangan

Sa kalsadang masalimuot nasadlak

Paglalakad itinuloy sa kanluran

Madilim na kalsada akin tinahak

Ako’y nadukot, gusto ng kalayaan

“Para ng awa” napalahaw sa sindak

Ang patayan sa likod ng karimlan

Hindi inakalang pakpak mawawasak

Ngayong ako ay napunta sa kawalan

Ina, ikaw ay huwag sanang umiyak